O Duniya Ke Rakhwale
Baiju Bawra
Lyrics
Bhagwan ... bhagwan ... bhagwan
O duniya ke rakhwale
Sun dard bhare mere naale
Sun dard bhare mere naale
Aash nirash ke do ragon se duniya tune sajai
Naiyya sang toofan banaya, milan ke saath judaai
Jaa dekh liya harjaai
O lut gayi mere pyar ki nagri
Ab toh neer baha le
Ab toh neer baha le
O ab toh neer baha le
O duniya ke rakhwale
Sun dard bhare mere naale
Sun dard bhare mere naale
Aag bani saawan ki barkha, phool bane angaare
Nagan ban gayi raat suhani, patthar ban gaye taare
Sab toot chuke hai sahare
O jeevan apna vapas lele jeevan dene wale
O duniya ke rakhwale
Chand ko dhoonde pagal suraj, shaam ko dhoonde savera
Main bhi dhoondun us pritam ko ho na saka joh mera
Bhagwan bhala ho tera
O kismat phooti aas na tooti
Paanv mein padh gaye chhale
O duniya ke rakhwale
Mahal udaas aur galiyan sooni, chup chup hai deewaarein
Dil kya ujhda duniya ujhdi, rooth gayi hai bahaarein
Hum jeevan kaise guzaare
O mandir girta phir ban jaata
Dil ko kaun sambhale
O duniya ke rakhwale
Sun dard bhare mere naale
Sun dard bhare mere naale
O duniya ke rakhwale
Rakhwale ... rakhwale ...rakhwale
Watch Video