Hindustan Hindustan
Border
Lyrics
Om ... sarve bhavantu sukhina
Sarve santu niramaya
Sarve bhadrani pashantu
Maakashcid dukh bhaag bhave
Hindustan, Hindustan, Hindustan, Hindustan
Meri aan, meri shaan, meri jaan Hindustan
Hindustan, Hindustan, Hindustan, Hindustan
Meri aan, meri shaan, meri jaan Hindustan
Paanch hazar varsh pehle
Humare deshwashi is hi ved mantra ka ucharan karke
Param pita parmatma se yaachna karte the
Sabka bhala karo bhagwan
Sabko sukh aur shanti do
Aur paanch sau warsh pehle
Bhakti marg ke darshak Guru Nanak Dev ne
Is hi baat ko saral bhasha mein dohraya
Nanak naam chardi kala
Tere bhane sarbaht da bhala
Hindustan, Hindustan, Hindustan, Hindustan
Meri aan, meri shaan, meri jaan Hindustan
Parantu sabke liye sukh aur shanti maangne wale Hindustani
Kya khud shanti se reh sake
Rehte bhi toh kaise
Unki dharti ka doosra naam sone ki chidiya hai
Jiski mitti mein sona aur jungalon mein chandan hai
Shayad is hi liye prakriti ne iski suraksha ke liye
Uttar mein Himalaya
Dakshin mein Hind Mahasagar
Purab mein Bangal ki khaadi
Aur paschim mein Thar ka reghistan bana diya tha
Hindustan, Hindustan, Hindustan, Hindustan
Meri aan, meri shaan, meri jaan Hindustan
Phir bhi sone ki chamak aur chandan ki khushboo
Bahar ke hamlawaron ko lubhati rahi
Sikandar ke ghodo ki taapo ne
Humare dharti ke seene ki dhadkan tezz kar di
Tohun, Mangol, Arab, Mughal, Purtagali, Francisi
Aur angrej koi peeche na raha
Sab aaye aur aate hi rahe
Shayad nahi jaante the ke jahan sab duniya wale
Apni apni matrabhoomi se pyar karte hai
Wahan Hindustani apni matrabhoomi ki puja karte hai
Jee haan puja
Hindustan, Hindustan, Hindustan, Hindustan
Meri aan, meri shaan, meri jaan Hindustan
Karodon Hindustaniyon ki bhavna ko
Shabdon mein dhalte hue hi toh
Bankim Babu ne kaha tha
Sujalaam suflaam
Malayaj sheetalaam
Shasyashyamalaam mataram
Vande vande mataram
Hamlawaron ko haar maankar vapas jaana pada
Par kuch log yahin ke hoke reh gaye
Unhe humari dharti maa ne godh le liye
Aur itihaas sakhsi hai
Maa ne apni kok se janme aur godh liye bachon mein
Kabhi antar nahi rakha
Shayad is hi liye
Jab jab kisi hamlawar ne humari dharti ke seene par paanv rakhna chaha
Sab bache seena taankar saamne khade ho gaye
Aur seema suraksha ki deewar khadi ho gayi
Hindustan, Hindustan, Hindustan, Hindustan
Meri aan, meri shaan, meri jaan Hindustan
Hamlawar is deewar se takrakar vapas jaate rahe
Joh 1962 mein hua
Wahi san 65 mein aur wahi 71 mein
Har baar Hindustaniyon ne
Vapas jaate huye dushman ki taraf dosti ka haath badhaya
Kyun ki humari mitti ne humein sikhaya hai
Ke yadi nafrat karne wale nafrat ka daaman nahi chhodte
Toh mohabbat karne wale mohabbat ka daaman kyun chhode
Hindustan, Hindustan, Hindustan, Hindustan
Meri aan, meri shaan, meri jaan Hindustan
Watch Video