Ek Machhar
Yeshwant
Lyrics
Ek machhar
Ek machhar sala aadmi ko hijda bana deta hai
Ek khatmal poori raat ko apahij kar deta hai
Sala ek machhar aadmi ko hijda bana deta hai
Mat aao mere paas
Rehne do mujhe akela
Ladne do mujhe apni ladai
Kabhi na kabhi toh jhoot ka gala ghotegi sachai
Lekin sala ek machhar aadmi ko hijda bana deta hai
Subah ghar se niklo bheed ka ek hissa bano
Shaam ko ghar jao, daru peeyo, bache paida karo
Aur subah talak phir ek baar mar jao
Kyun ki aatma aur andar ka insaan mar chuka hai
Jeene ke ghinaune samjhaute kar chuka hai
Sala ek machhar aadmi ko hijda bana deta hai
Oonchi dukaan feeka pakwan
Khaddar ki langoti, chandi ka pikdaan
Sau mein se assi beimaan
Phir bhi mera desh mahaan
Topi lagaye machhar kehta hai
Desh ke logon mein samta ki bhavna aa rahi hai
Issi liye toh badi machli choti ko kha rahi hai
Hamare chune huye kutte hum mein hi katte hai
Hamare hisse ki botiyan aapas mein batte hai
Amanush gand se bhari inki aawaaz se nange raaste kaanpte hai
Kal paida huye bache, ek saans lete huye hapte hai
Shaitaano ki najayaz aulad tehalka macha rahi hai
Aur hum, hum bhagwan ke chahite janwar insaan
Zindagi ko gaali banaye baithe hai
Kya kare, sala
Sala ek machhar aadmi ko hijda bana deta hai
Giro saalo giro, giro, giro
Lekin giro toh us jharne ki tarah
Joh parbat ki oonchai se girke bhi
Apni sundarta khone nahi deta
Zameen ki teh se milke bhi
Apni astitva ko nasht nahi hone deta
Lekin itna sochne ke liye waqt hai kiske paas
Kyun ki sala ek machhar aadmi ko hijda bana deta hai
Mandir, masjid ki ladai mein mar gaye lakhon insaan
Dharam aur mazhab ke naam pe ho gaye hazaron qurbaan
Jisne anyay ke virodh mein Baali ko mara
Ravan ko maut ke ghaat utara
Punya ko paap se ubhara
Mujhe us Ram ki talaash hai
Magar lagta hai is yug ke Ram ko ajeevan vanvas hai
Kya kare
Kyun ki sala ek machhar aadmi ko hijda bana deta hai
Yeh machhar
Yeh machhar jiska keechadon mein ghar hai
Naaliyo mein basera hai
Iski pehchaan yeh hai ki
Yeh na tera hai, na mera hai
Yeh machhar hijda bana dega, hijda bana dega
Kabhi shaitaan aayenge
Mere darwaze par dastak denge
Mere zehan ki talashi lenge
Phir jal uthenge
Us waqt main daroonga nahi
Apne shareer ko dhaal aur haath ko talwar banaonga
Ek na ek din toh tum mera haath choomoge
Karo, aaj mujhe badnaam karo nilaam karo
Nilaami ke liye kya hai mere paas
Bas jalte huye aansuon ka ehsaas, maana
Magar main tumse badla loonga
Tumhari aakhri boli par
Mere do saanson ke beech ka thehrao
Tumhe fokat mein doonga
Kyun ki sala ek machhar ne tumhe hijda bana diya hai
Watch Video