Dulhan Chali
Purab Aur Pachhim
Lyrics
Purab mein suraj ne chhedi
Jab kirno ki shehnaai
Chamak utha sindoor gagan pe
Pashchim tak laali chaayi
Dulhan chali haan pehan chali
Ho re dulhan chali o pehan chali teen rang ki choli
Baahon mein lehraye Ganga Jamuna
Dekh ke duniya doli
Dulhan chali, ho pehan chali teen rang ki choli
Taj Mahal jaisi taaza hai surat
Chalti phirti Ajanta ki murat
Mel milap ki mehndi rachaye
Balidaano ki rangoli, dulhan chali
Ho pehan chali teen rang ki choli
Mukh chamke yoon Himalaya ki choti
Ho na padosi ki neeyat khoti
O ghar walon zara isko sambhalo
Yeh toh hai badi bholi, dulhan chali
Ho pehan chali teen rang ki choli
Aur sajegi abhi aur sanwaregi
Chadhti umariya hai aur nikhregi
Apni azaadi ki dulhaniya
Deep ke upar Holi, dulhan chali
Ho pehan chali teen rang ki choli
Desh prem hi azaadi ki dulhaniya ka var hai
Is albeli dulhan ka sindoor suhaag amar hai
Maata hai Kasturba jaisi
Babul Gandhi jaise
Babul Gandhi jaise
Chacha iske Nehru, Shastri
Dare na dushman kaise
Dare na dushman kaise
Veer Shivaji jaise veeran, Lakshmi Bai behna
Lakshman jiske bodh Bhagat Singh
Uska phir kya kehna
Uska phir kya kehna
Jiske liye jawaan baha sakte hai khoon ki Ganga
Jiske liye jawaan baha sakte hai khoon ki Ganga
Aage peeche teeno sena leke chale tiranga
Sena chalti hai leke tiranga
Sena chalti hai leke tiranga
Ho koi hum praant ke vaasi
Ho koi bhi bhasha bhashi
Sabse pehle hai Bharat vasi
Sabse pehle hai Bharat vasi
Sabse pehle hai Bharat vasi
Sabse pehle hai Bharat vasi
Sabse pehle hai Bharat vasi
Watch Video